V स

तू आठवतेस

आणि कित्ती आठवत जातेस आठवताना याचं आश्चर्य वाटतं.

इतक्या गप्पा झाल्या?

इतकी पत्रं आली, गेली?

आकर्षणबिंदू असेल एखादा,

भिंगातून तपास केल्यावर सापडेलही -

तू पर्वताएवढी वाटली नाहीस तरी

मी मुंगीएवढी वाटत राहिले मला.

पहिला दिवस

खिडकीबाहेर तुझा आवाज -

खिडकीखाली तू

गोबऱ्या गालांवर घसरणारी सकाळ,

शुभ्र पातळ शर्टचा रंग बदलणारं ऊन ...

माझ्या काळ्या डोळ्यात तेव्हा

पडलेल्या पांढऱ्या ठिपक्यामुळे तू इतकी आठवतेस का?