.. अ‍ॅट होम

मारिएला इएना (Mariella Ienna) हिनं लिहिलेलं 'फ्लॉवर्स अॅट होम' (Flowers at home) हे सुंदर पुस्तक सध्या वाचतेय.
ही बाई व्यवसायाने वकील होती, पण वाट चालता चालता अवचित फुला-पाना-पाचोळ्यांकडे वळली व तिथेच थबकली, रमली (आज ती गृहसजावटीशी संबंधित आणखीही बरंच काही करते).
मारिएला स्वतःला 'पौष्प-अराजकतावादी' (Floral anarchist) म्हणवते. फुला-पाना-काटक्या-फांद्यांचं प्रत्येक अवस्थेतील सौदर्य अनुभवणं, वेचणं, घडी दोन-घडीभर त्याचा केलेला सहज पाहुणचार व तितक्याच निखळ आनंदानं त्याला दिलेला निरोप म्हणजे 'पुष्परचना' नव्हेच, ही तर रससशीत, स्वच्छंदी अराजकता आहे. आपण स्वतः खेळून, प्रयोग करून बघत नाही तोवर ती असंभव, अनिष्ट, आदर्शवादी वाटणारच!

(माझे खेळ सुरु झालेत, आणि खूपच मजा येतेय कारण मी झाडावरून काहीही तोडून घेत नाही. - चौदा ओळींच्या चौकटीत राहून करामत दाखवणारा सॉनेटिअर झाल्यासारखं वाटतंय.)